Олунньу 13 күнүгэр – төрөөбүт төрүт тылбытын күндүргэтэн өрө тутар дьоһун-мааны күммүтүгэр биһиги оскуола коллектива Норуот уус-уран айымньытынан коррекционнай оскуолаларга ыытыллар үгэс буолбут үөрүүлээх тэрээһиммитин быйыл үһүс сылбытын ыыттыбыт.
Бу күрэххэ кытыннылар: оҕо айымньытын театрдара, үҥкүү, хомус, чабырҕах, норуот матыыптарынан ырыалар. Күрэхпитин сыаналыыр дьүүллүүр сүбэ састаабыгар киирдилэр Тылы чинчийэр институт сүрүн научнай үлэһиттэрэ.
Бу күрэхпитигэр кыттар оҕолор ахсааннара сылын аайы элбээн уонна кинилэр толорууларын таһыма үрдээн иһэр.
Быйыл 10 оскуолаттан 30 концертнай номердар кытыннылар. Биһиги оскуолабытыттан: “Чороонноох үҥкүү” – 2 миэстэ (АйыынаСергеевна), “Хоҥсуо ырыата” – 3 миэстэ (Анастасия Федоровна), “Чыыбы-чаабы чабырҕахтар” – 1 миэстэ (Ульяна Петровна).
